Väggi ovstõd Grizelda Kristiņ jemānd!
 
Līvõ Kultūr Sidāmõn ja Līvõd Sõbrād Seļtšõn um sūr rīem ja ov tarmõ Täddõn vȯnnõ Täd sadā-āigast sindizpǟvaks. Tēg ūotõ amā eņtš igā vȯnd līvõ kīel kȭlbatiji ja vȱidaji. Sūr tienū Tä’ddõn iļ sīe, ku Tēg ūotõ kougõnd Kanādõst äbţõn līvõ kīel opātimizõn nūord līvliztõn ja ka muntõn Leţmōl ja mūši mōši. Mēg uskõm, ku Täd ēļ äb opāt nūordõn sieldõ līvõ kīeldõ set paldiņ, bet īeb opātõm vēl ka pierrõ mēḑi. Laz Täd jeng pīlõg nūoŗ ja laz Tēg võigõd tundõ rīemõ jegāst tulbist pǟvast!

Sīel īž āigal mäddõn um sūŗ rīem ka mäd eņtš – Valt Ernštreit, Tuuli Tuisk ja Tiit-Rein Viitso – pūolst tarmõ täddõn pǟgiņ vȯnnõ, viššõ tīeratõ ja mūdõ jõvvõ ka tulbizt pǟvadõks! Mäddõn um kaj, ku mēg īž äb võimõ tūlda Tēði tēriņtõm Täd sindizpǟvan, bet mēg tōmõ tūlda Tēði vaņtlõm ja kūldõm maijkū lopāndõks pūolsõ.  Nēmiz sōņõ maijkūsõ!